市集花絮︰《市集生活 . 拾貳》

雖然天氣好凍,但嚟到市集就感覺暖暖啦!Wandrian牛皮紙手作、水晶擺設、YANGYANG黃銅家飾品等70多個香港、台灣、澳門等地嘅手作單位,真係大開眼界!

布鞋見得多,但由人繪布鞋就夠晒特別!唔單止獨一無二,顏色仲好繽紛添!

來自澳門嘅首飾品牌。所有飾品、擺設都以Orgonite 嘅原理設計,款款都用心製作架!

嘩~好大朵花呀!檔主親自繪畫圖案,再將其印製喺雨傘上,確實栩栩如生!

來自台灣品牌嘅Little sparrow 小雀幸,首次嚟到香港擺攤,店主表示感動同興奮。

毛毛金飾耳環,高貴兼有女人味,屬冬季流行單品!