本週市集:《麥田捕手 - 浪客行》

又到花開盛放嘅季節!邊個話一定要去日本韓國賞櫻架?麥田捕手《浪客行》主題市集,為滿足一眾攝影迷,已於D2 Place一期天台花園為您帶嚟四季空中花海,等您一次過觀賞到櫻花、楓樹、雪景同薰衣草!4月29日至5月1日期間,仲可以到一期、二期行市集,一連3日嚐盡台灣特色美食、選購設計作品及欣賞多位攝影達人作品!

#Check-point 教路 

1. 一期室內創意市集

D2 Place 一期室內市集,將有過100個小攤檔展示設計作品,仲有好多有趣玩意,包括行李牌DIY,仲有一道神秘旅行隨意門,帶你去想去的國家。想知係乜東東?就要去市集睇睇喇!

@Lemon Grassory(左)
小店自家創作系列,以繪畫動物為主,手繪再印製產品。希望用心製作的可愛小東西可以療癒大家的忙碌疲憊,令人會心微笑!

@One Day Perfume(右)
ONE DAY PERFUME幫你尋找合適既香氣串連起屬於你一天的記憶。每日,每個人都會經歷緊唔同故事,好多時我地會用唔同感官去感受每一日。但其實有無發現忽略左嗅覺?香氣其實連繫記憶,只要你聞到熟悉既香氣就會回憶起某件事情或人物。而

@Fairy bean(左)
本地原創精油飾物~利用天然素材蠟及精油製作具有香氣的飾物原素,創作出不同造型的香氣石及配搭手作銅線花成為花香飾物;而不同的香氣更具帶不同功效,包括平靜情緒、淨化身心、增強抵抗力、防蚊等。為平凡的飾物加入植物生命力,讓嗅覺帶領我們找回生活中的平衡,透過天然香味療癒身心。

@JSelf(右)
在JS的小店中,預備了很多獨一無二而且技術含量極高的手製精品,為眾位追求精緻生活的顧客們提供一份幽雅的精靈華美。

2. 食盡二期台灣美食廊!

另一主打當然不得不提設於 D2 Place 二期的隱世台灣美食廊,超過30多款不同種類熟食,無骨雞翼、芒果糯米糍、手抓餅、芋圓豆腐花、黑松露鳥蛋燒、芝士焗大蘑菇等等 .... 要幾邪惡有幾邪惡!美食廊外面仲有旅行攝影展,由兩位年青攝影師現場分享旅行攝影的樂事呢!

3. 天台四季花海裝飾

一年四季花景有齊晒!即日起至5月1日,「麥田捕手」已於D2 Place一期天台花園設置花海場景,配上櫻花、薰衣草、楓葉、雪景,等打卡迷可以一次過影晒不同季節!市集當日,天台花園更會擺放飄雪水晶球及韓國大熱巨型花束,唔捨得買就當然要來潮聖一番!


市集詳情

《麥田捕手 - 浪客行》
日期:2017年4月29日至5月1日 (星期六、日、一)
時間:下午1時至晚上8時正
地點:D2 Place 一期 2 樓 The Space & 天台花園及二期 2 樓 The Labs
交通:港鐵荔枝角站D2出口

聯絡主辦單位:
Facebook: 麥田捕手 • 假日市集
Instagram: @dreamcatcher_market